ରିଓ ଡି ଜେନେରିଓ: ବ୍ୟାଡମିଣ୍ଟନ ମହିଳା ଯୁଗଳ ବର୍ଗରେ ଭାରତୀୟ ଯୋଡ଼ି ଜ୍ୱାଲା ଗୁଟା-ଅଶ୍ୱିନ୍ ପୋନ୍ନାପାଙ୍କ ଅଲିମ୍ପିକ ଅଭିଯାନ ଶୁକ୍ରବାର ଶେଷ ହୋଇଛି। ରିଓ ସେଣ୍ଟ୍ରୋ ଆରେନାରେ ଖେଳାଯାଇଥିବା ଗ୍ରୁପ୍ ‘ଏ’ର ଏକ ମ୍ୟାଚ୍ରେ ଏହି ଭାରତୀୟ ଯୋଡ଼ି ନେଦରଲାଣ୍ଡର ମୁସ୍କେନସ୍ ଇଫଜୀ-ପିକ୍ ସେଲେନାଙ୍କଠାରୁ ୧୬-୨୧, ୨୧-୧୬, ୧୭-୨୧ ସେଟ୍ରେ ପରାସ୍ତା ହୋଇଛନ୍ତି।
କର ବା ମର ସ୍ଥିତି ଥିବା ଏହି ମ୍ୟାଚ୍ରେ ଜ୍ୱାଲା ଓ ଅଶ୍ୱିନ୍ଙ୍କ ଆରମ୍ଭ ଭଲ ହୋଇ ନ ଥିଲା। ପ୍ରଥମ ସେଟ୍କୁ ଏହି ଯୋଡ଼ି ମାତ୍ର ୧୯ ମିନିଟ୍ରେ ୧୬-୨୧ରେ ହାରି ଯାଇଥିଲେ। ଦ୍ୱିତୀୟ ସେଟ୍ରେ କିନ୍ତୁ ଭାରତୀୟ ଯୋଡ଼ିଙ୍କ ଦବ୍ଦବା ଦେଖିବାକୁ ମିଳିଥିଲା। ଦ୍ୱିତୀୟ ସେଟ୍କୁ ଭାରତୀୟ ଯୋଡ଼ି ୨୧-୧୬ରେ ଜିତି ନେଇଥିଲେ। ତେବେ ତୃତୀୟ ସେଟ୍ରେ ଭାରତୀୟ ଯୋଡ଼ିଙ୍କ ମଧ୍ୟରେ ସମନ୍ୱୟର ଅଭାବ ଦେଖିବାକୁ ମିଳିଥିଲା। ଏହି ଯୋଡ଼ି ଏକାଧିକ ତ୍ରୁଟି କରି ପ୍ରତିପକ୍ଷ ନେଦରଲାଣ୍ଡ ଯୋଡିକୁ କିଛି ସହଜ ପଏଣ୍ଟ ଦେଇ ଦେଇଥିଲେ। ଫଳରେ ୧୭-୨୧ରେ ହାରି ଭାରତୀୟ ଯୋଡ଼ି ପ୍ରତିଯୋଗିତାରୁ ବାଦ୍ ହୋଇ ଯାଇଥିଲେ।
ଆଗାମୀ ମ୍ୟାଚ୍ରେ ଜ୍ୱାଲା ଓ ଅଶ୍ୱିନ୍ଙ୍କ ଯୋଡ଼ି ଥାଇ ଯୋଡ଼ି ପୁଟ୍ଟିଟା ସୁପଜିରାକୁଲ ଏବଂ ସାପଶ୍ରୀ ଟେରଟ୍ଟାନା ଚାଇଙ୍କୁ ଭେଟିବେ। ପୂର୍ବରୁ ଥାଇ ଯୋଡ଼ି ମଧ୍ୟ ପ୍ରତିଯୋଗିତାରୁ ବାଦ୍ ପଡ଼ି ସାରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
