ଚାରି ବର୍ଷର ପୁଅ ମୋଡ଼ି ଦେଲା ଗାଡିର ଚାବି: ଚାପି ହୋଇ ମରିଗଲା ସାହିର ଝିଅ

<p>ଯାଜପୁର: ମୃତ୍ୟୁ କେତେ ବେଳେ କେଉଁ ରୂପରେ ଆସି କାହାର କବାଟ ଠକ୍&zwnj; ଠକ୍&zwnj; କରିବ କାହାକୁ ଜଣାନାହିଁ। କାଳ ରୂପୀ ଜମ ଫାସ ଆସିବ ଓ ବାନ୍ଧି ନେବ ଜୀବନର ଡୋରକୁ। ହଠାତ ଏପରି ମୃତ୍ୟୁ ସମସ୍ତଙ୍କୁ ତାଜୁବ କରିଦେଇଥାଏ। ହେଲେ ଏହା ନିୟତିର ଅଲିଭା ନୀତି। ଏପରି ନିୟତି ଆଗରେ ଆଜି ହାର ମାନିଛି ଏକ ୧୩ ବର୍ଷ ନାବାଳିକା। ଖେଳୁଥିବା ବେଳେ ତା&rsquo;ର ଜୀବନରେଖାରେ ପଡିଯାଇଛି ପୂର୍ଣ୍ଣଚ୍ଛେଦ। ଏହି ଘଟଣା ଘଟିଛି ଯାଜପୁର ଜିଲ୍ଲା କୋରେଇ ଥାନା ଅନ୍ତର୍ଗତ ଅଶୋକଝର ଗାଁରେ। ଏକ ୪ ବର୍ଷ ବାଳକର ପିଲାଳିଆମୀ ନେଇ ଯାଇଛି ଏହି ନାବାଳିକାର ଜୀବନ।</p><p>[vc_video link=&quot;&quot; align=&quot;center&quot;]</p><p>ମୃତ୍ୟୁ ଶଯ୍ୟାରେ ଶୋଇଛି ୧୩ ବର୍ଷର ଝିଅ। ୟାକୁ ନିଜ ଅଜାଣତରେ ଗାଡ଼ି ଚଢ଼େଇ ମାରି ଦେଇଛି ଆଉ ଜଣେ ୪ ବର୍ଷର ଶିଶୁ। ଯାଜପୁର ଜିଲ୍ଲା ଅଶୋକଝର ଗାଁରେ ଘଟିଥିବା ଏହି ଅଭାବନୀୟ ଘଟଣା ଛାତି କୋରିଦେଲା ଭଳି। ଗାଁର ବୋଲେରୋ ଡ୍ରାଇଭର ରାମଚନ୍ଦ୍ର ହେମ୍ବ୍ରମ୍ ଘର ପାଖରେ ଗାଡ଼ି ରଖି ଧୋଇବାକୁ ପାଣି ପାଇଁ ନିକଟସ୍ଥ ନଳକୂଅକୁ ଯାଇଥିଲେ। ଏଇ ମାତ୍ର କିଛି ସମୟ ଭିତରେ ତାଙ୍କ ୪ ବର୍ଷର ପୁଅ ଗାଡ଼ି ଭିତରକୁ ପଶିଯାଇ ଗାଡ଼ିରେ ଥିବା ଚାବି ମୋଡ଼ି ଦେଇଥିଲା। ଫଳରେ ଗିୟରରେ ଥିବା ଗାଡ଼ିଟି ହଠାତ୍ ଷ୍ଟାର୍ଟ ହୋଇ ଆଗକୁ ମାଡ଼ିଯାଇଥିଲା। ଆଉ ପାଖରେ ଖେଳୁଥିବା ସେହି ଗାଁର ଗୌରାଙ୍ଗ ଧୀରଙ୍କ ଝିଅ ଉପରେ ଚଢ଼ିଯାଇଥିଲା।</p><p>ଝିଅଟିକୁ ସଙ୍ଗେ ସଙ୍ଗେ ଯାଜପୁର ରୋଡ୍ ଡାକ୍ତରଖାନାକୁ ନିଆଯାଇଥିଲା। ହେଲେ ସେତେବେଳକୁ ବହୁତ ଡେରି ହୋଇଯାଇଥିଲା। ଭଲରେ ଦୁନିଆ ଦେଖି ନ ଥିବା ଏହି କୁନି ଝିଅଟି ସବୁଦିନ ପାଇଁ ଦୁନିଆକୁ ଅଲ୍&zwnj;ବିଦା କରି ସାରିଥିଲା।</p><p>ଡାକ୍ତର ତାଙ୍କୁ ମୃତ ଘୋଷଣା କରିବା ପରେ ଡାକ୍ତରଖାନାରେ ଯେମିତି ନିଃଶବ୍ଦତା ଖେଳି ଯାଇଥିଲା। କେବଳ ନାବାଳିକା ମାଆ ଓ ବାପାଙ୍କ ବୁକୁଫଟା କାନ୍ଦ ମେଡିକାଲ ପରିସରକୁ କରି ଦେଉଥିଲା ଅସ୍ତିର ଓ ଅସହ୍ୟ।</p><p>ଖବର ପାଇ କୋରେଇ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଏବେ ପ୍ରଶ୍ନ ଉଠୁଛି ଏପରି ଘଟଣା ପାଇଁ କାହାକୁ ଦୋଷ ଦିଆଯିବ। ୪ ବର୍ଷର ଶିଶୁ ଯିଏ କୌତହଳରେ ଚାବି ମୋଡି ଦେଇଥିଲା ସେ ଦୋଷୀ ନାଁ ତା&rsquo;ର ବାପାର ଅସାବଧାନତା ନେଇଗଲା ଏହି ଝିଅର ଜୀବନ।</p><p>ସାମାନ୍ୟ ସାବଧାନତା ଏପରି ଦୁର୍ଘଟଣାକୁ ରୋକି ପାରିଥାନ୍ତି। ଗାଡିରେ ପିଲାଟି ବସିଥିବାରୁ ତା&rsquo;ର ବାପା ଚାବି ଛାଡି ଯିବା ଉଚିତ ନ ଥିଲା ବୋଲି ଆଲୋଚନା ହେଉଛି। ସେ ଯାହା ବି ହେଉ ପ୍ରକୃତ ସତ୍ୟ ହେଲା ୪ ବର୍ଷ ବାଳକର କୌତୁହା ନେଇଗଲା ୧୩ ବର୍ଷ ନାବାଳିକାର ଜୀବନ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।