ବାଲେଶ୍ୱର: ବାଲେଶ୍ୱରର ଜଣେ ସାମ୍ୱାଦିକଙ୍କ ଘରେ ସଶସ୍ତ୍ର ଡକାୟତି ହୋଇଛି। ଡ଼କାୟତମାନେ ୧୦ଲକ୍ଷରୁ ଅଧିକ ଟଙ୍କାର ସୁନାଗହଣା ସହ ନଗଦ ୩୫ହଜାର ଟଙ୍କା ଓ ଏକ କାର ଲୁଟି ନେଇଛନ୍ତି। ଘରମାଲିକ ସତ୍ୟଶିବ ଦାଶଙ୍କ ସୂଚନା ଅନୁସାରେ ଗତକାଲି ରାତି ପ୍ରାୟ ଦେଢଟାରେ ୭ଜଣ ଡ଼କାୟତ ଗେଟ୍ ଡେଇଁ ଘରକୁ ପଶିଥିଲେ। ଘରେ ଶୋଇଥିବା ତାଙ୍କ ମା' ଓ ଝିଆରିଙ୍କୁ ମାଡ଼ ମାରି ଭୁଜାଲି ଦେଖାଇ ଭୟଭୀତ କରିଥିଲେ। ଫଳରେ ସତ୍ୟଶିବ ଘରେ ଥିବା ସମସ୍ତ ଗହଣା ଓ ଟଙ୍କା ଦେଇଥିଲେ। ରାତି ୨ଟା ୧୫ରେ ଡ଼କାୟତମାନେ ସମସ୍ତଙ୍କୁ ବାନ୍ଧିଦେଇ ମୋବାଇଲ ଓ କାର ନେଇ ଫେରାର ହୋଇଥିବା ସତ୍ୟଶିବ ଅଭିଯୋଗ କରିଛନ୍ତି। ବାଲେଶ୍ୱର ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
