ଭୁବନେଶ୍ୱର: କଟକର ଚୌଦ୍ୱାର ଜେଲ୍ ପରେ ଝାରପଡ଼ା ଜେଲରେ କମିଶନରେଟ୍ ପୋଲିସ ପକ୍ଷରୁ ଚଢାଉ କରାଯାଇଛି । ଆଜି ଭୋର ସାଢେ ୪ଟାରେ ଡିସିପି ସତ୍ୟବ୍ରତ ଭୋଇଙ୍କ ନେତୃତ୍ୱରେ ଏକ ଟିମ୍ ଝାରପଡ଼ା ଜେଲ୍ ଉପରେ ଚଢ଼ାଉ କରିଥିଲା। ଏହି ସମୟରେ ଜେଲ୍ ଭିତରୁ ବହୁ ପରିମାଣର ମାଦକଦ୍ରବ୍ୟ ମିଳିଥିଲା । ଏଥିସହ ଜେଲ୍ ଭିତରେ ଚାଲିଥିବା ଅନେକ ଅନିୟମିତତା କାମ ମଧ୍ୟ ପୋଲିସ୍ ନଜରକୁ ଆସିଛି। ଅନ୍ତେବାସୀଙ୍କ ପାଖରୁ ରୋଷେଇ ଉଦ୍ଦେଶ୍ୟରେ ଆସିଥିବା ପରିବାପତ୍ର ମଧ୍ୟ ପୋଲିସ ଜବତ୍ ହୋଇଛି। ଏ ନେଇ ଡିସିପି ଭୋଇଙ୍କୁ ଯୋଗାଯୋଗ କରାଯିବାରେ ସେ କହିଛନ୍ତି, ବିଭିନ୍ନ ପ୍ରକାର ଗୁଟଖା ସହ ମଦ ଜବତ କରାଯାଇଛି । ଏଗୁଡିକ ଜେଲ ମଧ୍ୟକୁ କିପରି ଗଲା ଓ କିଏ ନେଲା ତାହାର ତଦନ୍ତ କରାଯାଉଛି । ଯେ କେହି ବି ଏହି କାର୍ଯ୍ୟରେ ସମ୍ପୃକ୍ତ ଥିବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
