ରାୟଗଡ଼ା: ମାଓବାଦୀ ନାଁରେ ଟଙ୍କା ଆଦାୟ କରୁଥିବା ସାମ୍ବାଦିକ ଗିରଫ

fakenaxal

ରାୟଗଡ଼ା: ନିଜକୁ ମାଓବାଦୀ ପରିଚୟ ଦେଇ ଲୋକଙ୍କ ଠାରୁ ବିପୁଳ ଟଙ୍କା ଆଦୟ କରୁଥିବା ଜନୈକ ସାମ୍ୱାଦିକଙ୍କୁ ଗିରଫ କରିଛି ରାୟଗଡା ପୋଲିସ୍। ଏହି ସାମ୍ୱାଦିକଙ୍କ ନାମ ଅଜିତ୍ ବାତ୍ରିଆ। ତା’ ଘର ଚାନ୍ଦିଲି ଥାନା ଅର୍ନ୍ତଗତ ଗାଦବାଗୁଡା ଗାଁରେ। ଅଭିଯୁକ୍ତ ଅଜିତ୍ ଗତ ଜୁନ  ମାସରେ କୋଲନରାର ଜନୈକ ଭିଏଲଡବ୍ଲ୍ୟୁଙ୍କୁ ମାଓବାଦୀ ପରିଚୟ ଦେଇ ୨ଲକ୍ଷ ଟଙ୍କା ଚାନ୍ଦା ମାଗିଥିଲା। ନଦେଲେ ପରିବାରର ସମସ୍ତଙ୍କୁ ହତ୍ୟା କରିବା ପାଇଁ ଧମକ ଦେଇଥିଲା। ଭିଏଲଡବ୍ଲ୍ୟୁ ଜଣକ ଭୟରେ ୨ଲକ୍ଷ ଟଙ୍କା ଦେଇଥିଲେ। ଏହର କିଛି ଦିନ ପରେ ସେ ପୁଣି ୩ଲକ୍ଷ ଟଙ୍କା ମାଗିଥିଲା। ଏନେଇ ସେ ରାୟଗଡା ଥାନାରେ ଏତଲା ଦେବା ପରେ ପୋଲିସ‍ ଅଜିତକୁ ଗିରଫ କରିଛି। ତା’ଠାରୁ ଉକ୍ତ ଟଙ୍କାରେ କିଣାଯାଇଥିବା ଏକ ମୋଟର ସାଇକଲ ଓ ଲାପଟପ୍ ଜବତ କରାଯାଇଛି।

Previous ArticleNext Article

Send this to a friend