ମୁଡ ଅଫ ନେଶନ: ଯୋଗୀ ଆଦିତ୍ୟନାଥ ୧ନଂ ମୁଖ୍ୟମନ୍ତ୍ରୀ, ନବୀନଙ୍କ ସ୍ଥାନ କେତେ

ନୂଆଦିଲ୍ଲୀ: ଦେଶରେ ସବୁଠୁ ଭଲ କାମ ଓ ଲୋକପ୍ରିୟତା ହାସଲ କରି ପାରିଥିବା ମୁଖ୍ୟମନ୍ତ୍ରୀମାନଙ୍କ ତାଲିକାର ଏକ ନମ୍ବର ସ୍ଥାନରେ ପୁଣିଥରେ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରହିଛନ୍ତି। ଇଣ୍ଡିଆ ଟୁଡେ-କାର୍ଭି ଇନସାଇଟ୍ସର ମୁଡ ଅଫ ନେଶନ ସର୍ଭେରୁ ଏହା ସାମ୍ନାକୁ ଆସିଛି।

ମୁଡ ଅଫ ନେଶନ ସର୍ଭେରେ କ୍ରମାଗତ ତୃତୀୟ ବର୍ଷ ପାଇଁ ଯୋଗୀ ଆଦିତ୍ୟ ନାଥ ୧ ନଂ ସ୍ଥାନରେ ରହିଛନ୍ତି। ଯୋଗୀଙ୍କ ସପକ୍ଷରେ ୨୪% ଭୋଟ ରହିଛି। ଗତବର୍ଷ ତୁଳନାରେ ଏହା ୬% ଅଧିକ। ଉତ୍ତର ପ୍ରଦେଶରେ ଅପହରଣ ଓ ହତ୍ୟାକାଣ୍ଡ ନେଇ ଯୋଗୀ ସରକାରଙ୍କୁ ବିରୋଧୀ ସମାଲୋଚନା କରୁଥିବା ବେଳେ ସର୍ଭେ ରିପୋର୍ଟରେ ଲୋକମାନେ କିନ୍ତୁ ଅଲଗା କଥା କହିଛନ୍ତି।

ତେବେ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବେଷ୍ଟ ମୁଖ୍ୟମନ୍ତ୍ରୀଙ୍କ ତାଲିକାର ୮ମ ସ୍ଥାନରେ ରହିଛନ୍ତି। ତାଙ୍କୁ ମାତ୍ର ୬% ଭୋଟ ମିଳିଛି।

ଅନ୍ୟପକ୍ଷରେ ଭଲ କାମ କରୁଥିବା ମୁଖ୍ୟମନ୍ତ୍ରୀଙ୍କ ତାଲିକାର ଶ୍ରେଷ୍ଠ ୮ ଜଣଙ୍କ ମଧ୍ୟରୁ ୭ ଜଣ ଅଣ ବିଜେପି ଓ ଅଣ କଂଗ୍ରେସ ଦଳର ରହିଛନ୍ତି। ଯୋଗୀଙ୍କ ପୂର୍ବରୁ କ୍ରମାଗତ ୩ଥର ୧ ନଂ ସ୍ଥାନରେ ରହିଥିବା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏଥର ୪ର୍ଥ ସ୍ଥାନରେ ରହିଛନ୍ତି।

ତାଙ୍କୁ ମାତ୍ର ୯% ଭୋଟ ମିଳିଛି। ତାଲିକାର ଦ୍ୱିତୀୟ ସ୍ଥାନରେ ୧୫% ଭୋଟ ସହ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ ତୃତୀୟ ସ୍ଥାନରେ ୧୧% ଭୋଟ ସହ ଆନ୍ଧ୍ର ପ୍ରଦେଶର ଜଗନ ମୋହନ ରେଡ୍ଡୀ ରହିଛନ୍ତି।

୮% ଲୋକ ବର୍ତ୍ତମାନ ଥିବା ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କୁ ଆଦୌ ପସନ୍ଦ କରିନାହାନ୍ତି। ସେମାନେ ନୂଆ ଚେହେରା ସପକ୍ଷରେ ମତ ଦେଇଛନ୍ତି।

୬ ନଂ ସ୍ଥାନରେ ୭% ଭୋଟ ସହ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଓ ୭% ଭୋଟ ସହ ୭ ନମ୍ବରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ରହିଛନ୍ତି।

୯ମ ସ୍ଥାନରେ ୩% ଭୋଟ ସହ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ରହିଛନ୍ତି। ୧୦ମ ସ୍ଥାନରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ରହିଛନ୍ତି।

୨୦୨୦ ଜାନୁଆରୀ ମାସରେ ପ୍ରକାଶ ପାଇଥିବା ମୁଡ ଅଫ ନେଶନ ସର୍ଭେରେ ଯୋଗୀ ଆଦିତ୍ୟ ନାଥ ୧୮% ଭୋଟ ପାଇ ପ୍ରଥମ ସ୍ଥାନରେ ରହିଥିବା ବେଳେ ୧୧% ଭୋଟ ସହ କେଜ୍ରିୱାଲ ଓ ମମତା ବାନାର୍ଜୀ ଦ୍ୱିତୀୟ ସ୍ଥାନରେ ରହିଥିଲେ। ମୁଡ ଅଫ ନେଶନ ସର୍ଭେକୁ ଦିଲ୍ଲୀ ସ୍ଥିତ ମାର୍କେଟ ରିସର୍ଚ୍ଚ ଏଜେଜନ୍ସି ପକ୍ଷରୁ ଜୁଲାଇ ୧୫ରୁ ଜୁଲାଇ ୨୭ ମଧ୍ୟରେ କରାଯାଇଥିଲା।

ପୂର୍ବରୁ ସର୍ଭେକୁ ଫେସ ଟୁ ଫେସ କରାଯାଉଥିଲା। ହେଲେ କରୋନା ଯୋଗୁ ଚଳିତ ଥର ଟେଲିଫୋନ ଜରିଆରେ ସର୍ଭେ କରାଯାଇଛି। ମୋଟ ୧୨,୦୨୧ଟି ସାକ୍ଷାତକାର କରାଯାଇଥିଲା। ଗ୍ରାମାଞ୍ଚଳରେ ୬୭% ଓ ସହରାଞ୍ଚଳରେ ୩୩% ଲୋକଙ୍କୁ ଏଥିରେ ସାମିଲ କରାଯାଇଥିଲା।

ଆହୁରି ପଢ଼ନ୍ତୁ

ଆରମ୍ଭ ମ୍ୟାଚରେ ହାରିବା ପରେ ଖୁସି ହୋଇଗଲେ ମୁମ୍ୱାଇ ଇଣ୍ଡିଆନ୍ସ ଫ୍ୟାନ୍ !

ରୋମାଞ୍ଚକର ବିଜୟରୁ ଆଇପିଏଲ ଆରମ୍ଭ କଲା ଚେନ୍ନାଇ

ବାଇକ୍‌ ଉପରେ ଚଢ଼ିଗଲା ସ୍କର୍ପିଓ, ରାସ୍ତାରେ ଚାଲିଗଲା ଦୁଇ ଯୁବକଙ୍କ ଜୀବନ

ଆଇପିଏଲରୁ କ୍ୟାରିଅର ଆରମ୍ଭ କଲେ ଓଡ଼ିଆ ପୁଅ

ଏଥର ବିଧାନସଭାର ଅନୁମୋଦନ ପାଇଁ ଆସିବ ୧୨ଟି ଅଧ୍ୟାଦେଶ

ମୁମ୍ବାଇ ଇଣ୍ଡିଆନ୍ସକୁ ୧୬୨ ରନରେ ଅଟକାଇଲା ଚେନ୍ନାଇ

ଶ୍ରୀମନ୍ଦିରରେ ବିଭ୍ରାଟ ହେବନି ତ ଶ୍ରୀଜୀଉଙ୍କ ସେବା ପୂଜା

କରୋନା ଟଙ୍କା ଖାଇଯାଉଛନ୍ତି : ସୁର ରାଉତରାୟ

ଆରୋଗ୍ୟ ହେଲେ ୪୦୯୦ କରୋନା ଆକ୍ରାନ୍ତ, ଆଗରେ ଖୋର୍ଦ୍ଧା

କୋଭିଡ଼ ରୋଗୀ ବଂଚିଛନ୍ତି ନା ମରିଛନ୍ତି, ଜାଣିପାରୁନି ପ୍ରଶାସନ!

ଭୁବନେଶ୍ୱରରୁ ୩୪୨ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୨୩୮ ଲୋକାଲ୍‌ କେସ

ରବିବାର ରାଜ୍ୟସଭାରେ କୃଷି ବିଲ୍, କେନ୍ଦ୍ରକୁ ସମର୍ଥନ କରିବେ ନବୀନ !