ପୁରୀ(ଓଡ଼ିଶା ରିପୋର୍ଟର): ପୁରୀ ସମୁଦ୍ରରେ କୂଳରେ ଲାଗିଛି ବିଶାଳ ଶକ୍ତି କୁଣ୍ଡ। ଶିବ ଲିଙ୍ଗକୁ ଘେରି ରହୁଥିବା ଏହି ଶକ୍ତି କୁଣ୍ଡ କେଉଁଠୁ ଆସିଲା ତାହାକୁ ନେଇ ଅଲୋଚନା ଆରମ୍ଭ ହୋଇଛି। ତେଣେ ପୁରୀ ସଂସ୍କୃତି କାର୍ଯ୍ୟାଳୟ ପକ୍ଷରୁ ଏହାକୁ ଉଦ୍ଧାର କରି ସଂରକ୍ଷିତ କରାଯାଇଛି। ଏହା କେତେ ପୁରୁଣା ଓ କେଉଁଠୁ ଆସିଲା ତାହା ଜାଣିବାକୁ ସର୍ଭେ କରାଯିବ ବୋଲି ସଂସ୍କୃତି ଅଧିକାରୀ କହିଛନ୍ତି।
ଗତକାଲି ଲାଇଟ ହାଉସ ବେଳାଭୂମିରେ ଏହି ଶକ୍ତି କୁଣ୍ଡ ଲାଗିଥିବା ଦୃଶ୍ୟ ଦେଖିବାକୁ ମିଳିଥିଲା। ଯାହାକୁ ଦେଖିବାକୁ ଲୋକଙ୍କ ଭିଡ଼ ବଢ଼ିବା ପରେ ଖବର ପାଇ ପ୍ରଶାସନ ପଦେକ୍ଷପ ନେଇଥିଲା। ଏହା ଗଙ୍ଗ ବଂଶ ସମୟ ଠାରୁ ଆହୁରି ପୁରୁଣା ହୋଇଥିବା ଅନୁମାନ କରାଯାଉଛି। ସୂଚନା ଥାଉକି, ନିକଟ ଅତୀତରେ ଯାଇଥିବା ବାତ୍ୟାରେ ଏକ ସ୍ୱର୍ଣ୍ଣ ରଥ ବିଶାଖାପାଟନମରେ ଲାଗିଥିଲା। ଯାହା ଉପରେ ବ୍ୟାପକ ସର୍ଭେ ହୋଇଥିଲା। ତେଣୁ ଏହା ଉପରେ ପ୍ରତ୍ନତତ୍ୱ ବିଭାଗର ପରୀକ୍ଷଣର ଆବଶ୍ୟକତା ରହିଥିବା ପ୍ରଶାସନ ନିକଟରେ ବିଭିନ୍ନ ବୁଦ୍ଧିଜୀବୀ ମତ ରଖିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
