ମହାଯଜ୍ଞର ପୂର୍ଣ୍ଣହୁତି ପରେ ହେବ ଦାରୁଛେଦନ

ଭୁବନେଶ୍ୱର: ଜଗତସିଂହପୁର ଜିଲ୍ଲା ରଘୁନାଥପୁର ଖରିବପଡିଆରେ ଆଜି ମହାପ୍ରଭୁ ଜଗନ୍ନାଥଙ୍କ ଦାରୁଛେଦନ ହେବ। ଗତକାଲିଠାରୁ ଆରମ୍ଭ ହୋଇଥିବା ମହାଯଜ୍ଞର ପୂର୍ଣ୍ଣହୁତି ପରେ ଶ୍ରୀ ଜଗନ୍ନାଥଙ୍କ ଦାରୁ ଛେଦନ କାର୍ଯ୍ୟ ହେବ। ମହାଯଜ୍ଞରେ ପୂର୍ଣ୍ଣାହୁତି ହେବା ପରେ ଦାରୁ ନିକଟରେ ସଂପନ୍ନ ହେବ କିଛି ଗୁପ୍ତପୂଜା। ଗୁପ୍ତପୂଜା ପରେ ଦାରୁଙ୍କୁ ପ୍ରଥମେ ସୁନା ଓ ରୁପା କୁରାଢ଼ି ସ୍ପର୍ଶ କରାଯିବ।ଏହାପରେ ମହାରଣା ସେବାୟତମାନେ ଲୁହା କୁରାଢ଼ି ଯୋଗେ ବୃକ୍ଷ ଛେଦନ କାର୍ଯ୍ୟ ଆରମ୍ଭ କରିବେ।

 ଜଗନ୍ନାଥଙ୍କ ଦାରୁ ଭୂପତିତ ହେବା ପରେ ଚଉପଟ କରାଯିବ। ନୂଆ ଶଗଡି ନିର୍ମାଣ ପରେ ଦାରୁଙ୍କୁ ନେଇ ତାହା ପୁରୀ ଅଭିମୁଖେ ବାହାରିବ। ଗୁରୁବାର ଦିନ ଶ୍ରୀଜଗନ୍ନାଥଙ୍କ ଦାରୁରେ ୧୦୮ ଗରା ଜଳରେ ମହାସ୍ନାନ କରାଯାଇଥିଲା। ଏହି ସମୟରେ ହରିବୋଲ ଧ୍ୱନୀରେ ଫାଟି ପଡୁଥିଲା ଦାରୁସ୍ଥଳୀ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।