ଭୁବନେଶ୍ୱର(ଓଡ଼ିଶା ରିପୋର୍ଟର): ପ୍ରଥମେ ନାବାଳିକାକୁ ପ୍ରେମ। ପରେ ବିବାହ କରି ବସ୍ତିରେ ରଖିବା ଘଟଣାକୁ ନେଇ ଆଜି ରାଜଧାନୀରେ ଘଟିଛି ରକ୍ତାକ୍ତ ସଂଘର୍ଷ। ରାଜମହଲ ଛକ ନିକଟ ଫାଳିକିଆ ବସ୍ତି ଓ ଗୌତମ ନଗରର ବସ୍ତି ମଧ୍ୟରେ ଘଟିଛି ଏହି ରକ୍ତାକ୍ତ ଗୋଷ୍ଠୀ ସଂଘର୍ଷ। ଏହି ଘଟଣାରେ ୪ ଜଣ ଆହତ ହୋଇଛନ୍ତି। ଏଥିରେ ଏକାଧିକ ଯୁବକଙ୍କ ସମ୍ପୃକ୍ତି ନଜର ଆସିଛି। ସେମାନେ ଖଣ୍ଡା, ଭୁଜାଲିରେ ଆକ୍ରମଣ କରିବାରୁ ବସ୍ତିର ଲକ୍ଷ୍ମୀ ରାଉତ ସମେତ ତିନିଜଣ ଗୁରୁତର ହୋଇଛନ୍ତି। ଲକ୍ଷ୍ମୀଙ୍କ ହାତ ଖଣ୍ଡ ଖଣ୍ଡ ହୋଇଯାଇଛି।
ଏହି ରକ୍ତାକ୍ତ ସଂଘର୍ଷରେ ଘର ଠାରୁ ଆରମ୍ଭ କରି ରାସ୍ତା ପର୍ଯ୍ୟନ୍ତ ରକ୍ତର ଧାର ଦେଖିବାକୁ ମିଳିଥିଲା। କାନ୍ଥରେ ରକ୍ତର ଛିଟା ଦେଖାଯାଇଥିଲା। ଆକ୍ରମଣ ପରେ ଦୁର୍ବୃତ୍ତମାନେ ଘଟଣାସ୍ଥଳରୁ ଖସି ପଳାଇଛନ୍ତି। ପରିସ୍ଥିତି ଉତ୍ତେଜନା ପୂର୍ଣ୍ଣ ହୋଇଥିବାରୁ ଗୋଟିଏ ପ୍ଲାଟୁନ ପୁଲିସ ଫୋର୍ସ ଘଟଣାସ୍ଥଳରେ ମୁତୟନ ହୋଇଛନ୍ତି। ତେବେ ପୁଲିସ ସ୍ଥିତି ସମ୍ପର୍କରେ ଜାଣି ମଧ୍ୟ ଚୁପ୍ ରହିବାରୁ ଏଭଳି ଘଟଣା ଘଟିଛି ବୋଲି ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
