ଚାଟିଂ ବେଳେ ଆପଣଙ୍କ ସ୍କ୍ରିନ୍ ରେକର୍ଡ କରୁଛି ଏହି ଭାଇରସ!

ଓ୍ୱାଶିଂଟନ: କରୋନା ଭାଇରସର ଚେନକୁ ଭାଙ୍ଗିବା ପାଇଁ ଏବେ ଅଧିକାଂଶ ସଂସ୍ଥା ଅନଲାଇନ୍ ବା କାମର ସମୀକ୍ଷା ହ୍ୱଟସଆପ୍, ମେସେଞ୍ଜର ଓ ଭିଡିଓ କନଫରେନସିଂ ଜରିଆରେ କରୁଛନ୍ତି। ଅନଲାଇନ୍ ଏବଂ ମୋବାଇଲରେ ସକ୍ରିୟତା ବଢ଼ିଥିବା ଦେଖି ମେସେଜ ଆପ୍ସକୁ ଭାଇରସ ଆକ୍ରମଣ କରୁଛି। ଟ୍ରୋଜନ ହେଉଛି ଏହି ଭାଇରସର ନାମ। ପୂର୍ବରୁ କମ୍ପ୍ୟୁଟର ଗୁଡ଼ିକୁ ଏହି ଭାଇରସ ଆକ୍ରମଣ କରୁଥିଲା ଏବେ ଏହା ମୋବାଇଲକୁ ଆକ୍ରମଣ କରୁଥବା ଜଣାପଡ଼ିଛି।

ଏହି ଭାଇରସ ମୋବାଇଲରେ ପ୍ରବେଶ କରିବା ପରେ ଫଟୋ, ରେକର୍ଡିଂ ଭିଡିଓ ଏବଂ ଅଡିଓ ରେକର୍ଡିଂ ଡାଟା ଚୋରି କରୁଥିବା ଜଣାପଡ଼ିଛି। ଏମିତିକି ମୋବାଇଲରେ ଥିବା ପ୍ରୋସେସର କିଭଳି କାମ କରୁଛି ସେ ବାବଦରେ ଏହି ଭାଇରସ ତାର ମୂଳ କମ୍ପାନୀକୁ ସୂଚନା ଦେଉଥିବା ସିସ୍କୋ ଟାଲୋସ୍ ଗବେଷକମାନେ କହିଛନ୍ତି।

ଏହି ଭାଇରସକୁ “WolfRAT” ବୋଲି ଗବେଷକ କହୁଛନ୍ତି। ଏହା ଗୁଗୁଲ୍ ପ୍ଲେ ଷ୍ଟୋର କିମ୍ବା ଫ୍ଲାସ୍ ଅପଡେଟ୍ ନାମରେ ହ୍ୱାଟସଆପ୍, ଫେସବୁକ୍ ମେସେଞ୍ଜର ଏବଂ ଅନ୍ ଲାଇନ୍ ବ୍ୟବହାରକାରୀଙ୍କୁ ଟାର୍ଗେଟ କରେ।

ଅନୁସନ୍ଧାନକାରୀମାନେ କହିଛନ୍ତି ଯେ ୱୋଲଫ୍ରାଟ୍, ରିମୋଟ ଆକ୍ସେସ୍ ଟ୍ରୋଜାନ୍ (RAT), ପୁରୁଣା ମାଲୱେୟାର, ଡେନଡ୍ରଏଡ ଏକ ପରିବର୍ତ୍ତିତ ସଂସ୍କରଣ। ୨୦୧୫ରେ ଡେନଡ୍ରଏଡ ଉତ୍ସ କୋଡ୍ ଲିକ୍ ହୋଇଥିଲା ଏବଂ ୱଲଫ୍ରାଟ୍ ପରି ଅନ୍ୟ ମାଲୱେର୍ ସେହି ଦିନଠାରୁ ଅନିଶ୍ଚିତ ବ୍ୟବହାରକାରୀଙ୍କୁ ଆକ୍ରମଣ କରିବାକୁ ପ୍ରୟାସ କରୁଛି। ମେସେଜିଂ ଆପ୍ ମେସେଞ୍ଜର, ହ୍ୱାଟସଆପକୁ ବିଶେଷ ଭାବରେ ସେମାନେ ଟାର୍ଗେଟ କରିଛନ୍ତି। ହ୍ୱାଟସଆପ କି ମେସେଞ୍ଜର ଚାଲୁଥିବା ବେଳେ ଟ୍ରୋଜାନ୍ ଭାଇରସ ସ୍କ୍ରିନ୍ ରେକର୍ଡିଂ କରୁଥିବାର ପୂର୍ବରୁ ନଜିର ରହିଛି।

ଅନୁସନ୍ଧାନକାରୀଙ୍କ ଅନୁଯାୟୀ, ୱଲଫ୍ରାଟ ଥାଇଲ୍ୟାଣ୍ଡ ହ୍ୟାକରଙ୍କର ଏକ ଆବିଷ୍କାର। କେତେକ C2 ସର୍ଭର ମଧ୍ୟ ଥାଇଲ୍ୟାଣ୍ଡରେ ଆଧାରିତ। C2 ସର୍ଭରରେ ଥିବା ଡୋମେନ୍ ନାମଗୁଡ଼ିକରେ ଥାଇଲ୍ୟାଣ୍ଡ ଖାଦ୍ୟ ନାମରେ ଅନ୍ତର୍ଭୁକ୍ତ।