ରେଢାଖୋଲ (ରମାକାନ୍ତ ମହାନନ୍ଦ): ନବବିବାହିତା ମହିଳା ହେଲେ ଲୁଟର ଶିକାର। ମନ୍ଦିରରୁ ଦର୍ଶନ ସାରି ବାହାରୁ ଥିବା ବେଳେ ହଠାତ୍ ଦୁର୍ବୃତ୍ତ ଆସି ମହିଳାଙ୍କ ଠାରୁ ସୁନାଗହଣା ଲୁଟି ନେଇ ଚାଲିଗଲେ। ଆଜି ଏମିତି ଲୁଟ୍ ଦେଖିବାକୁ ମିଳିଛି ରେଢାଖୋଲ ଥାନା ଅନ୍ତର୍ଗତ ମହୁଲମୁଣ୍ଡା ଗାଁରେ।
ଗାଁର ଦିଲ୍ଲୀପ ପ୍ରଧାନ ତାଙ୍କର ନନବିବାହିତା ପତ୍ନୀଙ୍କ ସହ ପାଖରେ ଥିବା କଦଳୀଗଡ଼ ମନ୍ଦିରକୁ ଦର୍ଶନ ପାଇଁ ଯାଇଥିଲେ। ମନ୍ଦିରରୁ ଦର୍ଶନ ସାରି ଦମ୍ପତି ବାହାରକୁ ଆସିଥିଲେ। ହେଲେ ଏହି ହଠାତ୍ ଦୁଇ ଜଣ ଦୁର୍ବୃତ୍ତ ସେମାନଙ୍କ ପାଖକୁ ଆସି ବନ୍ଧୁକ ଦେଖାଇ ଥିଲେ। ଦୁର୍ବୃତ୍ତ ବନ୍ଧୁକ ଦେଖାଇ ନବବିବାହିତା ମହିଳାଙ୍କ ଠାରୁ ସୁନା ଗହଣା ଲୁଟି ନେଇଥିଲା।
ମହିଳାଙ୍କ ଠାରୁ ସୁନା ହାର ଲୁଟିବା ପରେ ଦୁର୍ବୃତ୍ତ ବାଇକରେ ସେଠାରୁ ଫେରାର୍ ହୋଇଯାଇଥିଲେ। ଲୁଟର ଶିକାର ହୋଇଥିବା ନବ ଦମ୍ପତି ରେଢାଖୋଲ ଥାନାରେ ଅଭିଯୋଗ କରିଥିଲେ। ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
