OR 
ଦିନେ ଘାସ ବୁଦାରେ ପରିପୂର୍ଣ୍ଣ ହୋଇରହିଥିଲା। ଆଜି ସେଠାରେ ବୃନ୍ଦାବତୀଙ୍କ ଆସ୍ଥାନ। କଳା ଓ ଧଳା ତୁଳସୀ ଉଦ୍ୟାନର ପରିଣତ ହୋଇଛି। ଖାଲି ତୁଳସୀ ନୁହେଁ, ପାଖୁଡ଼ା ମେଲାଇ ଶାନ୍ତ ଜଳ ରାଶିରେ ଖିଲି ଖିଲି ହସୁଛି ପଦ୍ମ। ପୁରୀ ସାକ୍ଷୀଗୋପାଳ କୃଷି ବିଜ୍ଞାନ କେନ୍ଦ୍ରରେ ପରିସରରେ ଥିବା ବଗିଚାରେ ଏପରିରେ ଦୃଶ୍ୟ ଦେଖିବାକୁ ମିଳୁଛି। ଗ୍ରୀଷ୍ମର ଅସମ୍ଭାଳ ତାତି ଭିତରେ ଏପରି କାର୍ଯ୍ୟ କରିଦେଖାଇଛନ୍ତି ଓଡ଼ିଶା କୃଷି ଓ ବୈଷୟିକ ମହାବିଦ୍ୟାଳୟର ବୈଜ୍ଞାନିକ। ଆଜି ଏଠାରୁ ତୋଳାଇ ଯାଇ ପ୍ରଥମ ଥର ପାଇଁ ମହାପ୍ରଭୁ ଓ ମାଆ ଲକ୍ଷ୍ମୀଙ୍କ ସେବା ଉଦ୍ଦେଶ୍ୟରେ ଶ୍ରୀକ୍ଷେତ୍ର ଯାଇଛି ତୁଳସୀ ଏବଂ ପଦ୍ମଫୁଲ।
ସାକ୍ଷୀଗୋପାଳ କୃଷି ବିଜ୍ଞାନ କେନ୍ଦ୍ରରେ ୨୦ ଡ଼ିସିମିଲ୍ ଜମିରେ ସିମ୍ ଅଙ୍ଗନା ଓ ସିମ୍ ଆୟୁ ଉନ୍ନତ କିସମର ୭ ପଟାଳୀ କଳା ଏବଂ ୭ ପଟାଳୀ ଧଳା ତୁଳସୀ ଚାଷ ତୁଳସୀ କରାଯାଇଛି। ସେହିପରି ୫୦ ଡ଼ିସିମିଲ ଜମିରେ ହୋଇଥିବା ପୁଷ୍ପରିଣୀରେ ଗୋଲାପୀ ଓ ଧଳା ରଙ୍ଗର ପଦ୍ମ ଫୁଲ ଚାଷ କରାଯାଇଛି। କୃଷି ବିଜ୍ଞାନ କେନ୍ଦ୍ରର କର୍ମଚାରୀଙ୍କ ଅକ୍ଳାନ୍ତ ପରିଶ୍ରବ ବଳରେ ଏହା ସମ୍ଭବପର ହୋଇପାରିଛି।
Also Read
ଆଜି ମାଆ ତୁଳସୀଙ୍କୁ ଧୂପ ଓ ଝୁଣା ଲାଗି କରାଯାଇଥିଲା। ତା’ପରେ ମୁଣ୍ଡ ନୁଆଁଇ ମାଆ ବୃନ୍ଦାବତୀଙ୍କୁ ପ୍ରଣାମ କରି ତୁଳସୀ ପତ୍ର ଛିଣ୍ଡାଇବା ପାଇଁ ଅନୁମତି ମାଗିଥିଲେ କୃଷି ବିଜ୍ଞାନ କେନ୍ଦ୍ରର ମୁଖ୍ୟ ବୈଜ୍ଞାନିକ। ଆଉ ତା’ପରେ ତୋଳା ଆରମ୍ଭ ହୋଇଥିଲା ତୁଳସୀ। ଶୁଦ୍ଧ ପୂତ୍ତ ଭାବରେ ଗୋଟିଏ ପରେ ଗୋଟିଏ ତୁଳସୀ ପତ୍ର ତୋଳିବାରେ ଲାଗି ପଡ଼ିଥିଲେ କୃଷଇ ବିଜ୍ଞାନ କେନ୍ଦ୍ରର ସମସ୍ତ କର୍ମଚାରୀ। ମନରେ ଥିଲା ଅହେତୁକ ଭକ୍ତି ଭାବନା। ଖାଲି ତୁଳସୀ ପତ୍ର ନୁହେଁ, କୃଷି ବିଜ୍ଞାନ କେନ୍ଦ୍ର ପରିସରରେ ଥିବା ପୋଖରୀରୁ ପଦ୍ମ ଫୁଲ ମଧ୍ୟ ତୋଳା ଯାଇଥିଲା।
ମହାପ୍ରଭୁଙ୍କ ପୂଜାରେ ତୁଳସୀ ଓ ପଦ୍ମର ରହିଛି ମହତ୍ୱପୂର୍ଣ୍ଣ ଭୂମିକା। ତେଣୁ ପ୍ରତ୍ୟେକ ଗୁରୁବାର ୫୦ରୁ ୬୦ କେଜି ତୁଳସୀ ସାଙ୍ଗକୁ ୭୦ରୁ ୧୦୦ ଗୋଟି ପଦ୍ମ ଫୁଲ ପଠାଯିବ ବୋଲି କୃଷି ବିଜ୍ଞାନ କେନ୍ଦ୍ର ପୁରୀର ବରିଷ୍ଠ ବୈଜ୍ଞାନିକ ସୂର୍ଯ୍ୟନାରାୟଣ ମିଶ୍ର କହିଛନ୍ତି। ମହାପ୍ରଭୁଙ୍କ ସେବାରେ ଓଡ଼ିଶା କୃଷି ଓ ବୈଷୟିକ ବିଶ୍ୱ ବିଦ୍ୟାଳୟ ଲାଗିଥିବାରୁ ନିଜକୁ ଧନ୍ୟ ମଣୁଛନ୍ତି ଓଡ଼ିଶା କୃଷି ଓ ବୈଷୟିକ ବିଶ୍ୱ ବିଦ୍ୟାଳୟର କୁଳପତି ପ୍ରଫେସର ପ୍ରଭାତ କୁମାର ରାଉଳ।
ରିପୋର୍ଟ- ପିପିଲିରୁ ଦ୍ଵିତୀକୃଷ୍ଣ ପଟ୍ଟନାୟକ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
