୨୦୩୦ ସୁଦ୍ଧା ଅଣ-ଜୀବାଶ୍ମ ଇନ୍ଧନ ଭିତ୍ତିକ ଶକ୍ତି: କେନ୍ଦ୍ରମନ୍ତ୍ରୀ

ବିଶ୍ୱ ତାପମାତ୍ରା ଏବଂ ଜଳବାୟୁ ପରିବର୍ତ୍ତନ ଦ୍ୱାରା ସୃଷ୍ଟି ହୋଇଥିବା ଆହ୍ୱାନର ମୁକାବିଲା ପାଇଁ ନିବେଦନ

RK Singh Photogoogle

RK Singh

Tapas Behera
  • Published: Monday, 06 February 2023
  • Updated: 06 February 2023, 09:21 PM IST

Sports

Latest News

ବିଶ୍ୱ ତାପମାତ୍ରା ଏବଂ ଜଳବାୟୁ ପରିବର୍ତ୍ତନ ଦ୍ୱାରା ସୃଷ୍ଟି ହୋଇଥିବା ଆହ୍ୱାନର ମୁକାବିଲା ପାଇଁ ଜି -୨୦ ସଦସ୍ୟ ଦେଶମାନଙ୍କୁ ଏକାଠି ହେବାକୁ କେନ୍ଦ୍ର ମନ୍ତ୍ରୀ ଆର.କେ. ସିଂହ କହିଛନ୍ତି। ବେଙ୍ଗାଲୁରୁରେ ପ୍ରଥମ ଏନର୍ଜି ଟ୍ରାନ୍ସଜେନ୍ସ ୱାର୍କିଂ ଗ୍ରୁପ୍ ବୈଠକରେ ସେ କହିଛନ୍ତି ଯେ , ଭାରତ ୨୦୩୦ ସୁଦ୍ଧା ୨୦୦୫ ସ୍ଥରରୁ ଜିଡିପିର ନିର୍ଗମନ ତୀବ୍ରତାକୁ ୪୫ ପ୍ରତିଶତ ହ୍ରାସ କରିବାକୁ ପ୍ରତିଶ୍ରୁତିବଦ୍ଧ। ସେ କହିଛନ୍ତି, ୨୦୩୦ ସୁଦ୍ଧା ଅଣ-ଜୀବାଶ୍ମ ଇନ୍ଧନ ଭିତ୍ତିକ ଶକ୍ତି ଉତ୍ସରୁ ପାଖାପାଖି ୫୦ ପ୍ରତିଶତ ସମନ୍ୱିତ ବୈଦୁତିକ ଶକ୍ତି ସ୍ଥାପିନ କ୍ଷମତା ହାସଲ କରିବାକୁ ଦେଶ ଲକ୍ଷ୍ୟ ରଖିଛି।

ଜଳବାୟୁ ପରିବର୍ତ୍ତନ ପ୍ରଦର୍ଶନ ସୂଚକାଙ୍କରେ ଭାରତ ଶ୍ରେଷ୍ଠ ପାଞ୍ଚଟି ଦେଶ ମଧ୍ୟରେ ସ୍ଥାନ ପାଇଛି। ମନ୍ତ୍ରୀ ଶ୍ରୀ ସିଂ ସୂଚନା ଦେଇଛନ୍ତି ଯେ ଦେଶର ମୁଣ୍ଡପିଛା ଗ୍ରୀନ୍ ହାଉସ ଗ୍ୟାସ୍ ନିର୍ଗମନ ୨୦୨୦ରେ ବିଶ୍ୱର ହାରାହାରି ୬.୩ ଟନ୍ କାର୍ବନ ନିର୍ଗମନ ପରିମାଣ ଠାରୁ ବହୁତ କମ ଅଟେ। ପରେ ଗଣମାଧ୍ୟମ ବ୍ୟକ୍ତିବିଶେଷଙ୍କୁ ସମ୍ବୋଧିତ କରି ମନ୍ତ୍ରୀ କହିଛନ୍ତି ଯେ ଶକ୍ତି ଆଧାରର ଉପଲବ୍ଧତା ସହିତ ଭାରତ ଶକ୍ତି ସୁରକ୍ଷା ହାସଲ କରିବା ଦିଗରେ ସମସ୍ତ ପଦକ୍ଷେପ ଗ୍ରହଣ କରିବ।

Also Read

ଜି -୨୦ ଶକ୍ତି ଟ୍ରାନ୍ସମିସନ କାର୍ଯ୍ୟକାରୀ ଗୋଷ୍ଠୀର କାର୍ଯ୍ୟଶୈଳୀର ଆବଶ୍ୟକତା ଉପରେ ମନ୍ତ୍ରୀ ଗୁରୁତ୍ୱାରୋପ କରିଛନ୍ତି। ସେ କହିଛନ୍ତି ଯେ ଯଦି ଆମେ କାର୍ଯ୍ୟକାରୀ ଗୋଷ୍ଠୀର ବକ୍ତବ୍ୟକୁ ସାର୍ବଜନୀନ କରୁନାହୁଁ, ବିକାଶଶୀଳ ଦେଶର ଚିନ୍ତାଧାରାକୁ ସମାଧାନ କରାଯାଇପାରିବ ନାହିଁ। ବିକାଶଶୀଳ ଦେଶମାନଙ୍କରେ ଛଅରୁ ସାତ ଶହ ନିୟୁତ ଲୋକ ଶକ୍ତି ନିରାପତ୍ତା ଠାରୁ ବଞ୍ଚିତ ଥିବା ଉଲ୍ଲେଖ କରି ମନ୍ତ୍ରୀ କହିଛନ୍ତି ଯେ ଯଦି ଏହି ଲୋକଙ୍କୁ ସୁଲଭ ମୂଲ୍ୟରେ ସ୍ୱଚ୍ଛ ଶକ୍ତି ଉପଲବ୍ଧ କରା ନ ଯାଏ, ତେବେ ସେମାନେ ସବୁଜ ଶକ୍ତିକୁ ସ୍ଥାନାନ୍ତର କରିବେ ନାହିଁ। ଅକ୍ଷୟ ଶକ୍ତି ପାଇଁ ସଂରକ୍ଷଣ ସ୍ଥାନ ସୃଷ୍ଟି କରିବାର ଆବଶ୍ୟକତା ଉପରେ ସେ ସୂଚାଇ ଦେଇଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos