ଭୁବନେଶ୍ୱର: ରଘୁନାଥପୁର ଖରିପଡିଆର ଶ୍ରୀ ଜଗନ୍ନାଥଙ୍କ ଦିବ୍ୟଦାରୁ ଛେଦନ ପ୍ରକ୍ରିୟା ପାଇଁ ଜୋର ଧରିଛି ପ୍ରସ୍ତୁତି। ଆଜିଠୁ ଦାରୁ ନିକଟରେ ପୂଜାର୍ଚ୍ଚନା ଆରମ୍ଭ କରାଯିବ। ପ୍ରଥମେ ଆଚାର୍ଯ୍ୟ ଓ ବେଦଜ୍ଞମାନେ ଭୂମି ଶୋଧନ କରିବେ। ଅପରାହ୍ଣରେ ଅଙ୍କୁରାରୋପଣ ଏବଂ ପରେ ଦାରୁଙ୍କୁ ୧୦୮ ଗରା ପାଣିରେ ମହାସ୍ନାନ କରାଯିବ। ଏହାପରେ ବୃକ୍ଷକୁ ଚନ୍ଦନ ଏବଂ ଘିଅର ଲେପନ କରି ନୂଆ ବସ୍ତ୍ର ପରିଧାନ କରାଯିବ। ଆସନ୍ତାକାଲି ଦାରୁ ଛେଦନ ପାଇଁ ମହାଯଜ୍ଞ ଆରମ୍ଭ ହେବ। ଏହି ସମୟରେ ବନଯୋଗୀମାନେ ନିଷ୍ଠାର ସହ ଉପବାସ ବ୍ରତ ପାଳନ କରିବେ । ମହାଯଜ୍ଞରେ ପୂର୍ଣ୍ଣହୂତି ପରେ ଆରମ୍ଭ ହେବ ଦାରୁ ଛେଦନ ପ୍ରକ୍ରିୟା। ଶ୍ରୀଜଗନ୍ନାଥଙ୍କ ଦାରୁ ଭୂପତିତ ହେବାପରେ ଚଉପଟ କାମ କରାଯିବ। ଗତକାଲି ଆଜ୍ଞାମାଳ ଓ ଚକ୍ରନାରାୟଣଙ୍କୁ ବିଜେ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
