ଗୁଣୁପୁର: ଚୋରି ମାମଲାରେ ବ୍ୟବସାୟୀ ସହ ୮ କୋର୍ଟ ଚାଲାଣ

gunupurଗୁଣୁପୁର: ରାୟଗଡା ଜିଲ୍ଲା ଗୁଣପୁର ଥାନା ଅଞ୍ଚଳର ପୃଥକ ପୃଥକ ଚୋରି ମାମଲାରେ ଜଣେ ବ୍ୟବସାୟୀ ସହ ୮  ଜଣଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଗତ ତିନି ମାସ ମଧ୍ୟରେ ଗୁଣପୁର ସହରର ବିଭିନ୍ନ ଅଞ୍ଚଳରୁ ଚୋରି କରି ପୋଲିସ୍ ଆଖିରେ ଧୂଳି ଦେଇ ଖସି ପାଇବାକୁ ସକ୍ଷମ ହେଉଥିଲେ। ଗିରଫ ଯୁବକମାନେ ହେଲେ ରାୟଗଡା ଅଞ୍ଚଳର ପି.ଶ୍ରୀକାନ୍ତ (୨୦), ରବିଶଙ୍କର ମହାନନ୍ଦିଆ(୨୩), ପ୍ରକାଶ ଖୁରା(୨୧), ଏମ୍.ସୁର୍ଯ୍ୟସିରାଜ(୪୦), ଗୁଣପୁରର ପି.ରାମବାବୁ(୨୦), ପି.ମାଲେଶ୍(୧୯), ପି.ଚିନାରାଇଡୁ(୧୯) ଓ ପି.ବିନୋଦ(୨୦) ବୋଲି ଜଣାପଡିଛି। ଏଥି ସହ ସେମାନଙ୍କଠାରୁ ଗୋଟିଏ ବାଇକ୍, ୪ଟି ମୋବାଇଲ୍, ରୂପା ୩୫୦ ଗ୍ରାମ୍, ସୁନା କାନଫୁଲ ୨ ହଳ ଓ ଅନ୍ୟାନ୍ୟ ଜିନିଷ ଜବତ ହୋଇଛି ଗୁଣପୁର ଆଇଆଇସି ଗୌରହରି ସାହୁ କହିଛନ୍ତି।