ଭୁବନେଶ୍ୱର: ଭୁବନେଶ୍ୱର ଆଇଆରସି ଭିଲେଜ୍ ନିକଟସ୍ଥ ଗାନ୍ଧି ମାର୍କେଟରେ ଥିବା ଏକ ଗେଷ୍ଟ ହାଉସରେ ଏକ ହାଇପ୍ରୋଫାଇଲ ସେକ୍ସ ରାକେଟ୍ ଠାବ କରିଛି ନୟାପଲ୍ଲୀ ଥାନା ପୋଲିସ୍ । ଏହି ଘଟଣାରେ ପୋଲିସ୍ ୪ଜଣ ଝିଅଙ୍କୁ ଉଦ୍ଧାର କରିଥିବା ବେଳେ ୭ଜଣଙ୍କୁ ଗିରଫ କରିଛି । ପୋଲିସ୍ ଉଦ୍ଧାର କରିଥିବା ୪ଜଣ ଝିଅଙ୍କ ମଧ୍ୟରୁ ଜଣେ ବଲିଉଡର ପାଶ୍ୱ ଅଭିନେତ୍ରୀ ଥିବା ଜଣାପଡିଛି । ଏହି ଘଟଣାରେ ସଂପୃକ୍ତ ଥିବା ସୁନୀଲ ମେହର ଘଟଣାସ୍ଥଳରୁ ଖସି ପଳାଇଛି । ଘଟଣାସ୍ଥଳରୁ ପୋଲିସ୍ ୨ଟି କାର ଜବତ କରିଛି। ଏହି ହାଇପ୍ରୋଫାଇଲ ସେକ୍ସ ରାକେଟ୍ ସଂପର୍କର ପୋଲିସର ଅଧିକ ଖୋଳତାଡ ଜାରି ରହିଛି ।
ମିଳିଥିବା ସୂଚନା ଅନୁସାରେ ସଂପୃକ୍ତ ଯୁବତୀମାନେ କୋଲକାତା ଏବଂ ମୁମ୍ୱାଇର ଥିବା ଜଣାପଡିଛି। ସୁନୀଲ ମେହେର ଏମାନଙ୍କୁ ୧୦ଦିନ ପାଇଁ କଣ୍ଟ୍ରାକ୍ଟରେ ଆଣି ଲକ୍ଷ ଲକ୍ଷ ଟଙ୍କା ରୋଜଗାର କରୁଥିଲା । ପୂର୍ବରୁ ହାଇପ୍ରୋଫାଇଲ ସେକ୍ସ ରାକେଟ୍ କାରବାର ଅଭିଯୋଗରେ ଅନେକ ଥର କମିଶନରେଟ ପୋଲିସ ହାତରେ ସୁନୀଲ ମେହେର ଧରାପଡିଛି। ଜେଲରୁ ବାହାରିବାପରେ ପୁଣି ଏଭଳି କାରବାରରେ ସଂପୃକ୍ତ ରହୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
